Evo ovo je dio kolumne na autohtonom Porečkom dijelaktu, samo se provajte žalim da ne me kapite;)


POREČKE BJONDE, ROTONDE E SENZAČERVELO

Nova stara moda u Poreču je da se svi na skuteri i motorini vozu bez branimira glavaša - kacige. Ne znan ko je za to kriva sparina pak jin je isparija mozak, ili si šinjorine i šinjorini ne žele pokvariti frizurice, ma to je vero postalo prava epidemija. Niki dan sidin puli Malog Cveka od dva metra i po, pijen kafe i brojin, brojin... Deset motorini i skuteri, tri kacige na glavesini, dvi na laktu, dvi zavezane za motorin, tri tamo di jin je misto - doma.

Najbolja pokrivenost GSM signalon je na rotori e semafori. To je jušto lako kapiti perke svi telefoniraju jušto tamo.

Danas san opet hodija na kafe poli Cveka i vidin da njanke policjoti ne palu žmigavac kad na Cimarelu gredu prema rivi. Sprid njih pauk komaj pasiva med autimi i kombi, Manči je bemvejca napizdija nasrid zebre a oni pasivaju kako pored turske kupelji. A Bilali svoj vozni park pelje bez registracije i – nikemu niš! Dobro, ne vozi ga non stop: samo unda kad ni parkiran na zebri poli kavanu ili na mistu za invalide.